Dünya

Rusiya və Türkiyə turizm sahəsində əməkdaşlığı genişləndirir

14 Oktyabr 2021 07:25
0 Şərh     Baxış: 287

Türkiyə və Rusiya ölkələrində turizm fəaliyyəti ilə məşğul olan investorlara dəstək verməyə razılaşıb.

Milli.Az Trend-ə istinadən bildirir ki, Türkiyənin mədəniyyət və turizm naziri Mehmet Nuri Ersoy və Rusiya Turizm Federal Agentliyinin (Rostourizm) rəhbəri Zarina Doquzova Ankarada buna dair iki ölkə arasında turizm sahəsində birgə fəaliyyət planı imzalayıblar.

Bu təşəbbüs çərçivəsində hər iki tərəfdən bir sədr, üzv və katibdən ibarət bir işçi qrupu və bir alt qrupun yaradılması planlaşdırılır.

İki ölkə arasında turizm sektorunda davam edən investisiya layihələri haqqında məlumat mübadiləsi aparılacaq.

Həmçinin, tərəflər investisiya layihələrinin, eləcə də iki ölkədə turizm fəaliyyəti ilə məşğul olan investorların təşviqinə yönəlmiş tədbirlərə inzibati və informasiya dəstəyi göstərəcəklər.

Müqavilənin bir hissəsi olaraq, "tərəflərin ölkələrindən gələn turistlərin həyatı və sağlamlığını təhdid edən fövqəladə hallar (epidemioloji, terror, nəqliyyat və digər təhdidlər) haqqında bir-birlərini dərhal məlumatlandıracaqları" güman edilir.

Bundan əlavə, tərəflər turizm sahəsində birbaşa əlaqələri gücləndirmək barədə razılığa gəliblər. Bu, Rusiya və Türkiyə turizm idarələri, sənaye strukturları və müəssisələr arasında potensial tərəfdaşlar üçün tövsiyələr də daxil olmaqla məlumat mübadiləsinə aiddir.

Turizm üzrə Birgə Fəaliyyət Planı 1 yanvar, 2022-ci ildə qüvvəyə minəcək və 31 dekabr 2024-cü ilədək olan dövrü əhatə edir.

Tərəflər, həmçinin Dünya Turizm Təşkilatı (ÜTT), Qara Dəniz İqtisadi Əməkdaşlıq Təşkilatı (QDİƏT) və İqtisadi İnkişaf və Əməkdaşlıq Təşkilatı (OECD) çərçivəsində əməkdaşlığı davam etdirəcəklər.

Milli.Az

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.