Uitni Hyustonu həkimlər öldürüb? - FOTO

Polisi ən çox maraqlandıran məsələ müğənninin qaldığı otel otağında aşkarlanmış "Xanax" antidepressantlarıdır.

Milli.Az "The Sun"a istinadən bildirir ki, polis Uitni Hyustonun müalicəsi ilə bağlı sənədləri onun dərmanlarının reseptləri ilə müqayisə etməyə başlayıb.

Əgər həkimlərin müğənniyə hər hansı dərmanları qanunsuz olaraq verdikləri bəlli olarsa, onlara qarşı ittişam irəli sürüləcək.

Polis bildirir ki, 48 yaşlı Uitni Hyuston ölümündən əvvəl çox güclü sakitləşdirici və antidepressant dərmanlar qəbul edirdi. Həmin preparatlar arasında "Xanax", "İbuprofen", "Midol", "Amoksilin" vardı.

Mütəxəssislərin fikrincə, müğənninin Los-Anceles şəhərindəki "Beverly Hilton" otelindəki nömrənin vanna otağında dünyasını dəyişməsinin səbəbi orqanizmin dərman preparatlarına mənfi reaksiyası səbəb ola bilər.

O da maraqlıdır ki, Uitni Hyustona verilən dərmanlar Maykl Ceksonun qəbul etdiyi preparatlarla eyni idi.

Üstəlik, Uitni Hyuston və Maykl Ceksonun Beverli-Hillsdəki "Mickey Fine pharmacy" aptekinin müştəriləri olduğu aşkarlanıb.

Məhz orada Maykl Cekson çoxlu dərman alırdı və o preparatların arasında "Demerol" antidepressantı vardı.

Ceksonun ölümünə səbəb də "Demerol" olmuşdu.

Polis Uitni Hyustonun dünyasını dəyişdiyi "Beverly Hilton" otelinin əməkdaşlarının ifadələrinin nəticələri ilə bağlı heç bir açıqlama vermir.

Hyuston ölümündən əvvəl spirtli içkilər içib. Onun qaldığı otaqlarda 6 banka "Xanax" da tapılmışdı.

Spirtli içki ilə birlikdə bu preparat sedativ təsir yaradır, insanı yatırır və ya huşunu itirməyə vadar edir. Həmin qarışığa başqa dərmanlar da əlavə olunanda insan ölür.

Uitni Hyustonu vanna otağında ilk aşkarlayan adam onun xalası Meri Cons olub. O, Uitni üçün ziyafət paltarı hazırlayaraq müğənnini otaqda gözləyirdi.

Uitni Hyustonun cəsədi Nyu-Cersi ştatına aparılıb. O, fevralın 17-də dəfn ediləcək. Vida mərasimi Nyuark şəhərindəki "Prudential Center" idman kompleksində keçiriləcək.

Milli.Az

Böyütmək üçün şəkillərə klikləyin.

































































Fotolar: AP, Getty İmages, TMZ