PUL
.jpg)
.jpg)
.gif)
Gürcüstanda koronavirus pandemiyası səbəbindən tətbiq olunan bir neçə məhdudiyyət aradan qaldırılır.
Milli.Az AZƏRTAC-a istinadən bildirir ki, bu barədə Dövlət Qurumlararası Koordinasiya Şurasının iclasında qərar qəbul edilib.
Bildirilir ki, qərara əsasən, fevralın 25-dən ölkədə şəhərlərarası ictimai nəqliyyatın fəaliyyəti bərpa olunur.
Bundan başqa, sabahdan ölkə üzrə dağ kurortlarında mehmanxanalar qonaq qəbul edə biləcəklər.
Martın 1-dən dövlət və özəl uşaq bağçaları açılacaq, martın 8-dən isə kanat yollarından istifadəyə icazə veriləcək.
Qərara əsasən, martın 15-dən teatrlar, idman klubları, peşəkar ansambllarda məşq və təlimlərin keçirilməsi mümkün olacaq, aprelin 1-dən isə fəaliyyət tam bərpa olunacaq.
Martın 15-dən, həmçinin ali məktəblərdə əyani tədrisə başlanılacaq.
Muzey və kitabxanalar isə fəaliyyətlərini martın 1-dən etibarən bərpa edəcəklər.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
.jpg)
.jpg)
