Dünya

"Apple" 6G şəbəkəsinin qurulması üçün işçilər axtarır

21 Fevral 2021 13:48
Baxış: 276

"Apple" şirkəti altıncı nəsil (6G) rabitə şəbəkələrinin yaradılması ilə bağlı işçi axtarışına başlayıb.

Milli.Az APA-ya istinadən bildirir ki, bu barədə "Bloomberg" şirkətin "5G/6G simsiz sistemlər üçün tədqiqat mühəndisi" vəzifəsi üçün vakansiyasına istinad edərək məlumat yayıb.

Gələcək "Apple" işçilərinə "yeni nəsil (6G) simsiz rabitəni araşdırmaq və inkişaf etdirmək", "6G texnologiyasına dair sənaye və akademik forumlarda iştirak etmək" tapşırıqları həvalə olunacaq.

Agentliyin məlumatına görə, tədqiqatçı qrup "yaxın on ildə" yeni şəbəkənin yaradılması ilə məşğul olacaq.

"Bloomberg" yazır ki, mütəxəssislər 6G rabitə şəbəkələrinin 2030-cu ildə işə salınacağını proqnozlaşdırırlar.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.