Dünya

Almaniyada iki COVID xəstəsini bilərəkdən öldürən həkim saxlanılıb

21 Noyabr 2020 08:13
Baxış: 379

Almaniyanın Essen şəhər polisi universitet xəstəxanasında iki COVID-19 xəstəsinin qəsdən öldürülməsində şübhəli bilinən həkimi saxlayıb.

Milli.Az APA-ya istinadən xəbər verir ki, bu barədə polisin yaydığı press-relizdə deyilir.

Essen Universiteti Xəstəxanasının həkimi 18 noyabr tarixində həbs olunub.

"Prokurorluq və Essen polis idarəsinin birgə araşdırmasından sonra həkimin qəsdən və qanunsuz olaraq ağır xəstələrə ömrünün son mərhələsində onların ölümlərinə səbəb olan narkotik maddə vurduğu şübhəsi var", - sənəddə belə deyilir.

Hər iki xəstə - 47 və 50 yaşlı kişilər - 13 və 17 noyabr tarixlərində ölüblər. Hər ikisi də şübhəli tərəfindən müalicə altına alınıb ​​və dərman verildiyi anda "çox ağır vəziyyətdə olublar". Essen polisi cinayəti araşdırmaq üçün komissiya yaradıb və həkim istintaq təcridxanasına yerləşdirilib. O, artıq ölüm hadisələrindən biri ilə bağlı ifadə verib və bu əməlini "xəstənin və ailəsinin əzablarına" son qoymaq istədiyi ilə əlaqələndirib.

Qeyd edilir ki, 44 yaşlı həkim bu ilin fevral ayından bəri Essen Universiteti Xəstəxanasında çalışırmış.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.