Dünya

2050-ci ildə Avropa İttifaqında 300 kVt dəniz külək enerjisindən istifadə olunacaq

20 Noyabr 2020 22:10
Baxış: 364

Bərpa olunan dəniz enerji mənbələri üçün yeni Avropa strategiyası Brüsseldə Avropa Komissiyasının icraçı vitse-prezidenti Frans Timmermans və enerji üzrə komissar Kadri Simson tərəfindən təqdim olunub.

Milli.Az AZƏRTAC-a istinadən bildirir ki, 2050-ci ildə Avropa İttifaqında 300 kVt dəniz külək enerjisinin istifadə olunacağı gözlənilir və Portuqaliya dənizlərində bunun üçün müəyyən imkanlar var.

Hazırda Portuqaliya kimi ölkələr, dəniz dibinə turbinləri lövbər salmağın mümkün olmadığı, məsələn, Danimarka Şimal dənizində kimi dərin sular səbəbindən şelfdəki yenilənə bilən enerji mənbələrinin istifadəsində hələ də məhduddurlar.

Avropa İttifaqının yeni strategiyası bütün Avropa sahillərinin bu enerjidən faydalanmasını təmin etməyi hədəfləyir və üzən turbinlərin tətbiqini dəstəkləyir.

Avropada yalnız iki kiçik üzən külək stansiyası var, bunlardan biri Portuqaliyanın Viana-du-Kaştelu dəniz limanında quraşdırılıb. Onun üzərində gücü 25 MVt olan üç turbin işləyir. 2022-ci ildə gücün 300 MVt-a, 2030-cu ildə isə 7 GVt-a qədər genişləndirilməsi gözlənilir.

Dəniz külək qurğuları 2050-ci ildə bütün dəniz gücünün üçdə birini təşkil edəcək.

Qarşıdakı 10 ildə Avropa İttifaqının dəniz limanlarına 6,5 milyard avro lazım olacaq, çünki dənizdəki külək stansiyaları üçün bütün avadanlıq limanlardan keçir. Onların geniş məkana, ağır yüklərə davam edə biləcək limana və dərin sulara sahib olmaları lazımdır.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.