Dünya

Pentaqon rəsmi olaraq NUO-larla bağlı işçi qrupu yaradır

14 Avqust 2020 10:38
Baxış: 1 212
VTB-də minimal faiz dərəcəsi ilə nağd kredit 9.9%-dən
#DÜNYADA #ABŞ

ABŞ Müdafiə Nazirliyi Hərbi Hava Qüvvələri pilotlarının qarşılaşdığı Naməlum Uçan Obyektləri (NUO) araşdırmaq üçün işçi qrupu yaratmaq qərarına gəlib.

Milli.Az APA-ya istinadən bildirir ki, bu barədə CNN telekanalı məlumat yayıb.

Yaxın günlərdə rəsmi olaraq yaradılması gözlənilən işçi qrupuna Müdafiə Nazirinin müavini David Norkvistin nəzarət edəcəyi bildirilir.

Qeyd edək ki, iyul ayında naməlum uçan obyektlərlə bağlı ABŞ Konqresində də narahatlıq doğuran fikirlər səsləndirilmişdi. 

İkinci Dünya Müharibəsindən sonrakı illər ərzində ABŞ NUO-ları öyrənmək üçün bir neçə dəfə müxtəlif səviyyələrdə qruplar təsis etmişdi.

Xatırladaq ki, aprelin sonunda Pentaqon rəsmi internet səhifəsində "naməlum hadisələri" əks etdirən videolar yerləşdirib. ABŞ Hərbi Dəniz Qüvvələrinin aşkar şəkildə nümayiş etdirdiyi videolardan biri 2004-cü ilin noyabrında, digər ikisi - 2015-ci ilin yanvarında lentə alınıb. Görüntülər 2007 və 2017-ci illərdə Pentaqonun icazəsi olmadan internet vasitəsilə yayımlanmışdı. Onların həqiqiliyi Hərbi Dəniz Qüvvələri tərəfindən təsdiqlənmişdi. 

Daha sonra ABŞ Hərbi Dəniz Qüvvələri pilotların 27 iyun 2013 - 13 fevral 2019 tarixlərində NUO-larla qarşılaşmalarını əks etdirən bir neçə hesabat yayımladı.

Eyni zamanda, ABŞ Prezidenti Donald Tramp iyun ayında çıxışı zamanı 1947-ci ildə Nyu-Meksikoda baş vermiş iddia edilən NUO qəzası ilə əlaqədar bir çox maraqlı şey bildiyini açıqlamışdı. 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.