Dünya

Xəlifə Həftar Qahirədə Liviyadakı son vəziyyəti müzakirə edəcək

4 İyun 2020 08:28
Baxış: 828
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Misirin və Körfəz Dövlətləri Şurası ölkələrinin əksəriyyətinin dəstəklədiyi Liviya Milli Ordusunun komandanı, feldmarşal Xəlifə Həftar Qahirədə Liviyadakı son vəziyyəti müzakirə edəcək.

Milli.Az AZƏRTAC-a istinadən bildirir ki, bu barədə Liviya mənbələrindən "Youm7" qəzetinə məlumat verilib.

Qəzetin məlumatında bildirilir ki, Misirin və Birləşmiş Ərəb Əmirliklərinin alqışladığı atəşkəs danışıqları şəraitində Misir rəsmiləri Həftarla sərhədlərin qorunması, terrorizmlə mübarizə və qeyri-leqal miqrasiya məsələləri ətrafında fikir mübadiləsi aparacaqlar.

Qeyd edək ki, hazırda BMT-nin təşəbbüsü ilə davam edən atəşkəs danışıqlarına rəğmən Tripolidə yerləşən milli razılıq hökumətinin qoşunları və Liviya Milli Ordusu arasında qızğın döyüşlər davam edir. Son günlər Tripolinin cənubunda gedən döyüşlərdə hər iki tərəfdən 100-dən çox itki var. İyunun 3-də Həftarın ordusu Tripoli Beynəlxalq Aeroportunu yenidən ələ keçirdiyini bəyan edib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.