Dünya

Bir saniyə ərzində 100 xaker hücumu

20 Aprel 2010 21:53
Baxış: 1 209
VTB-də yüksək depozit faizleri daha çox qazandırır
#SYMANTEC CORP
Rabitə və İnformasita Texnologiyaları Nazirliyinin saytında verilən xəbərə görə, bu barədə kompüter təhlükəsizliyi üzrə dünyanın ən iri proqram təminatı istehsalçısı "Symantec" şirkətinin bu yaxınlarda açıqladığı hesabatda qeyd olunur.

Hesabatda təqdim olunan məlumata görə, 2009-cu ildə internetdə qanunsuz müdaxilələrin sayı 2008-ci illə müqayisədə 71 faiz artıb.

Xaker müdaxilələrinin əksər hallarda zərərsiz olmasına baxmayaraq hər 4,5 saniyədə bu hücumların biri ciddi xətər yetirir.

Ötən il ərzində "Symantec" tərəfindən internetdə 2,9 milyon virus, "troyan" və digər zərərli proqram qeydə alınıb ki, bunlardan 51 faizi tamamilə yeni virus proqramları olub.

Hesabatda qeyd olunur ki, son zamanlar kibercinayətkarlar daha tez-tez istifadəçi kompüterlərindən bot-şəbəkələri yaradır ki, bu cür maşınları onların sahiblərinin xəbəri olmadan spam yayımı və ya şəxsi məlumatların oğurlanması üçün istifadə etmək olur. "Symantec" ekspertləri qeyd edir ki, ötən il internetdə yeddi milyona yaxın personal kompüter bot-şəbəkələrə qoşulub.

"Symantec"-in eksperti Toni Osbornun sözlərinə görə, kompüterlərdən şəxsi informasiyanın mənimsənilməsi bir çox istifadəçi üçün gündəlik məşğuliyyətə çevrilib.

Korporativ əməkdaşlar və şirkətlər haqqında informasiya əldə etmək istəyən kibercinayətkarlar sosial şəbəkə və poçt xidmətlərinə də diqqət yetirməyə başlayıb.

Kompüter cinayətinin artımı inkişaf edən ölkələrdə də qeydə alınır. Xüsusən də bu cür halların çoxalması əhalinin əksər hissəsinin gündəlik işlər üçün internetdən istifadə etdiyi Hindistan və Braziliyada müşahidə olunur.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.