Dünya

Yaponiyanın avtomobil şirkətləri dünyadakı zavodlarında işi dayandırdılar

26 Mart 2020 16:10

0 Şərh Baxış: 2 033

VTB-də minimal faiz dərəcəsi ilə nağd kredit 9.9%-dən

#AVTOMOBİL #YAPONİYA

Koronavirus infeksiyasının geniş yayılması Avropanın avtomobil nəhənglərinin Birlik ərazisində istehsalı dayandırmağa məcbur edib. Martın ortalarından etibarən Avropa Birliyi ərazisindəki bütün istehsal müəssisələri fəaliyyətini ən azı 2 həftəliyə dayandırıb. Dayanmanın bir səbəbi virusun yayılmasının qarşısını almaqdırsa, digər səbəb Çində komponent istehsalının dayanması nəticəsində yaranan çatışmazlıqdır.

Milli.Az musavat.com-a istinadən bildirir ki, martın 3-cü ongünlüyündə isə Asiyanın, daha dəqiqi, Yaponiyanın avtomobil istehsalçıları zavodları dayandırmağa başlayıblar. Belə ki, Yaponiyanın Nissan aviakonserni koronavirus pandemiyası ilə bağlı Misirdəki iki zavodunun fəaliyyətini dayandırmalı olub. Musavat.com xarici mətbuata istinadən xəbər verir ki, bu zavodlarda sedan və pikaplar istehsal olunur.

Həftənin əvvəlində isə Yaponiyanın "Toyota", "Honda", "Suziki" və "Nissan" konsernləri Hindistandakı, Avropa və ABŞ-dakı zavodlarında işi dayandırmalı olublar.

Maraqlıdır ki, martın əvvəllərində digər istehsalçılar kimi yapon şirkətləri də Çində yerləşən zavodlarda istehsalı bərpa ediblər. Yanvardan bəri Çindən komponent ala bilməyən zavodlar indi öz fəaliyyətlərini koronavirus üzündən dayandırmaq məcburiyyətində qalıblar. Bu isə dünyada avtomobil istehsalının ən azı yaxın 2-3 həftə ərzində bərpa olunmayacağı deməkdir.

Milli.Az