Dünya

Azərbaycan-Türkiyə sərhədində partlayış: Yanacaq tankeri alışdı - VİDEO

17 May 2019 11:14

1 Şərh Baxış: 3 133

VTB-də minimal faiz dərəcəsi ilə nağd kredit 9.9%-dən

#DÜNYADA #HADİSƏ

Azərbaycan-Türkiyə sərhəd xəttində yerləşən Dilucu Sərhəd-Keçid Məntəqəsində partlayış baş verib.

Milli.Az Publika.az-a istinadən xəbər verir ki, Azərbaycan dövlət qeydiyyat nişanlı yanacaq tankeri anidən yanmağa başlayıb.

Tankerin yanacaq deposu partlayıb və parçaları ətrafa səpələnib. Nəticədə 1 gömrük işçisi yaralanıb. Yaralı xəstəxanaya yerləşdirilib.

Alov qısa müddətdə sürətlə ətrafa yayılıb. Hadisə yerinə çox sayda yanğınsöndürən maşın göndərilib. Bundan sonra alovun söndürülməsinə müvəffəq olunub.

Faktla bağlı istintaq işi açılıb. Araşdırmalar davam edir.

Hadisənin terror aktı olduğu ehtimal edilir.

Azərbaycanın Qarsdakı baş konsullu Nuru Quliyev AZƏRTAC-a bildirib ki, yük avtomobili partlayış nəticəsində tam yararsız hala düşüb. Xoşbəxtlikdən sürücü xəsarət almayıb.

Azərbaycanın Qarsdakı baş konsulluğu prosesi nəzarətdə saxlayır.

Milli.Az