Dünya

Qrip Balkan ölkələrini də cənginə aldı: 43 ölü

7 Fevral 2019 20:54
0 Şərh     Baxış: 1 323
VTB-də minimal faiz dərəcəsi ilə nağd kredit 9.9%-dən
#AVROPA #DONUZ QRİPİ #QUŞ QRİPİ

2019-cu ilin əvvəlindən Qərbi Balkan ölkələrində - Bosniya və Herseqovina və Serbiyada 43 nəfər qripdən ölüb.

Milli.Az Axar.az-a istinadən xəbər verir ki, Bosniya Səhiyyə İnstitutunun məlumatına görə, qrip virusuna yoluxanlar arasında müxtəlif yaş qruplarından olan insanlar var. Yanvar ayında onların 34 nəfəri həyatını itirib.

Sarayevo Klinik Mərkəzinin bəyanatında bildirilir ki, Banja Luka şəhərində qrip epidemiyası "aqressiv virusa" çevrilib və ölüm halları arta bilər. Bu şəhərdə fevralın ilk günlərində cəmi 1 nəfər - 75 yaşlı pasient ölüb. Lakin təhlükəli virusa yoluxanların sayı artmaqdadır.

Serbiyada isə qripdən 9 nəfər ölüb. Ölüm hallarından üçü ölkənin şərqindəki Nis, altısı isə Pirot və Uziçe şəhərlərində qeydə alınıb. Serbiyanın səhiyyə naziri Zlatibor Lonçar bildirib ki, 2019-cu ilin əvvəlindən xəstəxanalarda qripə yoluxmuş 68 min insan müalicə olunub.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.