Dünya

Zimbabve prezidenti benzini bahalaşdırıb səfərə getdi - Qiymət 3,31 dollara çatdı

14 Yanvar 2019 21:04

0 Şərh Baxış: 1 314

#ZİMBABWE #BENZİN

Zimbabve prezidenti Emmerson Mnanqaqva bu gün Rusiyaya iki günlük səfər edib. Onun prezident Vladimir Putinlə danışıqları gözlənilir.

Milli.Az Virtualaz.org-a istinadən xəbər verir ki, Mnanqaqvanın səfəri benzinin qiymətinin kəskin artırılmasından sonra Zimbabvedə başlayan etiraz aksiyaları fonunda baş verir.

Yanacağın bahalaşması haqda Mnanqaqva ötən həftə elan edib. Qiymət artımı 200 faiz təşkil edir və ötən gün yanvarın 13-də 1 litr benzinin qiyməti 3,31 dollara çatmışdı. Dizel yanacağı isə 3,11 dollar idi. Elə həmin gün Zimbabve prezidenti ölkəni tərk edərək uzunmüddətli səfərə çıxıb. Onun Rusiya ilə yanaşı Belarus, Qazaxıstan və Azərbaycana da səfər edəcəyi, daha sonra Davosa yola düşəcəyi gözlənilir.

Milli.Az