Dünya

Milyonlar qazandı, milyonları heyrətləndirdi - FOTO

15 Sentyabr 2011 15:43
0 Şərh     Baxış: 1 485
VTB-də minimal faiz dərəcəsi ilə nağd kredit 9.9%-dən
#WAL-MART STORES INC #ASDA GROUP LTD.
Lakin indi onu bütün ölkə tanıyır və sevir.

İngiltərənin Uiltşir qraflığındakı Suindon şəhərində yaşayan Niki Kyusak 46 yaşlı, başqalarından heç nə ilə fərqlənməyən qadın idi. Amma iki ildir ki, onun həyatı kökündən dəyişib.

Milli.Az xəbər portalı "The Sun"a istinadən bildirir ki, "Asda Walmart" supermarketində satıcı işləyən Kyusak saatda cəmi 6,3 funt-sterlinq maaş alırdı.

2009-cu ildə onda döş xərçəngi tapıldı. Ölümcül xəstəlikdən qurtulmaq üçün qadın müxtəlif müalicələrə məruz qaldı, kimya terapiyasından keçdi.

Və günlərin birində o, qonşuluqdakı köşkdən lotereya bileti aldı. Həmin lotereya biletinə də 2,9 milyon funt-sterlinq uddu.

Milyonlar sahibi olmasına rəğmən, Niki işini tərk etmək və ya dincəlimək niyyətində deyil.

"Çalışdığım supermarketin rəhbərliyinə minnətdaram. Müalicə olunduğum iki il ərzində onlar mənim iş yerimi saxladılar, yerimə adam götürmədilər və qayıdışımı gözlədilər. Mən də yenidən çalışmağa qərar vermişəm. Lotereyada udduğum milyonları bank hesabına qoymuşam. Çox yəqin ki, pulları xeyriyyə təşkilatlarından birinə verəcəyəm. Həyatımda milyonlar olmayıb, bundan sonra da olmasını istəmirəm. Sadə, zəhmətkeş insan kimi qalmaq istəyirəm", - Kyusak söyləyib.

Niki dünəndən etibarən işini bərpa edib. O, supermarketin musiqi və DVD disklər şöbəsində həftədə 24 saat çalışır.

O, udduğu pulların 250 min funtunu Şimali Suindonda 4 yataq otaqlı evi satın almağa xərcləyib, vəssalam.

Nikin dörd övladı var: 23 yaşlı Kelli, 18 yaşlı Ceyd, 16 yaşlı Mark və 22 yaşlı Adam.

Niki Kyusak pullarını artıq xeyriyyə işlərinə xərcləməyə başlayıb. O, "Macmillan Cancer Support", "Prospect Hospice", "Asda's Tickled Pink campaign", "Help for Heroes and Meningitis Trust" fondlarının hesablarına böyük məbləğlərdə pullar köçürüb.

Milli.Az




Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.