Dünya

Böyük qalmaqal: dərman şirkəti həkimləri pulla ələ alıb

7 Dekabr 2014 21:28

1 Şərh Baxış: 3 397

VTB-də minimal faiz dərəcəsi ilə nağd kredit 9.9%-dən

#POPULYAR XƏBƏRLƏR #DÜNYADA #SAĞLAMLIQ #CHATTEM INC(NEW GK)

Fransanın "Sanofi-Aventis"farmasevtika korporasiyası ilə bağlı qalmaqal yaranıb.

Şirkətin sabiq əməkdaşı Diana Pont Nyu-Cersi məhkəməsinə şikayət ərizəsi verərək şirkətdəki rüşvətlərdən xəbər tutandan sonra işindən kənarlaşdırıldığını bildirib.

Milli.Az European-a istinadən bildirir ki, D.Pontun dediyinə görə, "Sanofi-Aventis"in nümayəndələri pasiyentlərə diabet əleyhinə preparatı "məsləhət" bilməyin müqabilində həkimlər, xəstəxana və aptek işçilərinə təqribən 34 milyon dollar məbləğində rüşvət verib.

"Şirkətin sabiq direktoru, oktyabrda işdən çıxarılmış Kristofer Viebaher rüşvət işində adı keçən əsas top-menecerlərdən biri idi. "Accenture Plc" və "Deloitte LLP"in tərəfdaşları ilə imzalanmış 9 müqaviləni nəzərdən keçirdim. Məlum oldu ki, həmin anlaşmalara ayrılan vəsaitlər rüşvət ödənməsinə xərclənməliymiş. Müqavilələrin qanunsuz olduğunu demək istəyəndə isə müdirim söylədi ki, anlaşmaların hələ də rəsmiləşdirilməməsi Viebaherin narazılığına səbəb olub", - Diana Pont bildirib.

"Sanofi-Aventis" iddianı şərh etməyib.

Diana Pont bu ilin oktyabrın 29-da işdən qovulub. Qadının sözlərinə görə, onu işdən çıxaranda təhqir ediblər, aşağılayıblar.

"Sanofi-Aventis"in dünyanın müxtəlif ölkələrində 100 min əməkdaşı var.

Milli.Az