Dünya

Qalmaqallı film göstərildi

25 Dekabr 2014 23:27

0 Şərh Baxış: 1 711

#DÜNYADA #SONY CORP #MİCROSOFT CORP #GOOGLE INC #SONY PİCTURES ENTERTAİNMENT INC.

Milli.Az BBC-yə istinadən bildirir ki, Sony Pictures şirkətinin Şimali Koreya liderinə qarşı uydurulmuş sui-qəsd barədə qalmaqallı filmi ABŞ kinoteatrlarında nümayiş etdirilib.

Bəzi kinoteatrlar filmin qecə nümayişini təşkil edib.

Çərşənbə günü Sony şirkəti kinokomediyanı internet saytında və eləcədə Google və Microsoft vasitəsilə yalnız ABŞ ərazisində mümkün olan nümayişini təşkil edib.

İlk olaraq yeni kinokomediyanın ekranlara dekabrın 25-də çıxacağı güman edilirdi.

Lakin Sony Pictures-ə qarşı haker hücumundan sonra kinoşirkət filmin nümayişini təxirə salmaq qərarına gəldi.

Bu qərar ABŞ ictimaiyyəti və prezident Obama tərəfindən tənqidlə qarşılandı.

Filmdə süjeti iki jurnalistin Şimali Koreya lideri Kim Jong-undan müsahibə götürmək niyyətindən bəhs edir. Lakin ABŞ-ın Mərkəzi Kəşfiyyat İdarəsi bunu bilib, jurnalistlərə Şimali Koreya liderini öldürməyi tapşırır.

Şimali Koreya Sony şirkətinə haker hücumunun arxasında güya durduğu barədə bütün ittihamları rədd edib.

Milli.Az