Dünya

Ceyms Bond "qarala" bilər

28 Dekabr 2014 21:48

0 Şərh Baxış: 1 770

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #SONY PİCTURES ENTERTAİNMENT INC.

Növbəti dəfə Ceyms Bond rolunu qaradərili aktyor İdris Elba oynaya bilər.

Nelson Mandela obrazını yaratdığına görə məşhurlaşmış 42 yaşlı britaniyalı aktyor İdris Elba gələcəkdə "Bondiana" filmlərinndə baş rolda çəkiləcəyini istisna etməyib.

Milli.Az BBC-yə istinadən bildirir ki, İdris Elbanın Ceyms Bond obrazını yaradan sayca yeddinci aktyor ola bilməsi haqda məlumatlar dekabr ayının əvvəlində Sony Pictures Entertainment şirkətinə edilmiş haker hücumundan sonra yayılmağa başlayıb.

Hakerlər şirkətin məxfi işgüzar yazışmasını internetdə yerləşdiriblər.

Həmin materiallar arasında, o cümlədən, Sony Pictures şirkətin rəhbəri Emi Paskaldan güman edildiyi kimi Bond filmlərini çəkmək hüququna malik Colambia Pictires studiyasının keçmiş vise-prezidenti Elizabet Kantilyonun adına ünvanlanmış məktub da yer alıb: "Bond rolunun növbəti ifaçısı İdris olacaq".

Sony Pictures bu xəbərlərə hələlik münasibətini bildirməyib.

Sentyabr ayında keçirilmiş tədbirlərdən birində İdris Elba Bond rolunda çəkilmək istərdimi sualına cavab olaraq deyib: "Təklif gəlsə, əlbəttə".

1962-ci ildən başlayaraq Bond haqqında 23 film çəkilib, Bondianadan 6 milyard dollar qazanc əldə edilib.

İndiyədək "007 agenti" obrazını 6 aktyor yaradıb.

Hazırkı, sayca 6-cı "Bond" rolu ifaçısı aktyor Daniel Creig 2015-ci ildə başlayan Bondiananın sayca 24-cu filmində çəkilşlərə başlayacaq. Həmin filmin adı şərti olaraq hələlik "Spektr" adlanır.

Daniel Creig gələcəkdə "Bond" layihəsindən ayrılmaq arzusunda olduğunu açıqlayıb.

Milli.Az