Dünya

Təyyarədə bomba həyəcanı

29 Mart 2015 19:45
0 Şərh     Baxış: 2 134
VTB-də minimal faiz dərəcəsi ilə nağd kredit 9.9%-dən
#TÜRKİYƏ #TURKEY #JAPAN #TURK HAVA YOLLARİ AO
Bazar günü "Türk Hava Yolları" aviaşirkətinin İstanbul-Tokio reysi təyyarənin yük bölməsində bomba olması ehtimalı səbəbindən təcili olaraq dayandırılıb.

Trend-in "Haber3" agentliyinə istinadən verdiyi məlumata görə, insident səhər saatlarında İstanbulun Atatürk beynəlxalq hava limanında yaşanıb.
 

Göyərtəsində 321 sərnişin olan "Boeing 777-300" təyyarəsi İstanbuldan Tokioya istiqamət alıb. Qara dəniz üzərində uçuş zamanı stüardessalardan biri tualet qapısının üstündə "C4 Kargo" yazısını görüb. Bu, nəzəri olaraq laynerin yük bölməsində plastik partlayıcının olduğunu göstərə bilər.
 

Hava gəmisinin kapitanı müvafiq yoxlama aparılması üçün aeroporta qayıtmaq icazəsi istəyib.

Mütəxəssislər təyyarədə bütün xidməti yükləri və sərnişinlərin baqajlarını yoxlayıb, lakin heç bir partlayıcı vasitə aşkar etməyiblər. Təyyarənin Tokioya bu axşam uçacağı bildirilir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.