Dünya

Dəfndə faciə: ölənlərin sayı 70-ə çatdı, 108 nəfər zəhərləndi - YENİLƏNİB - FOTO

12 Yanvar 2015 17:19

0 Şərh Baxış: 5 570

VTB-də minimal faiz dərəcəsi ilə nağd kredit 9.9%-dən

#DÜNYADA #FOTOREPORTAJLAR #FOTOSESSİYA #MARAQLI #MOZAMBİQUE

17:19

Mozambik polisi bazar günü baş vermiş faciəli insidenti araşdırır. Belə ki, dəfn mərasimlərindən birində adamlara paylanan ənənəvi yerli pivədən zəhərlənmə nəticəsində 70 insan ölüb, 200-ə yaxın insan xəstəxanaya yerləşdirilib.

İlkin məlumatlara görə, zəhərlənməyə səbəb içkiyə əlavə edilən timsah ödü olub. Bu barədə Trend BBC-nin Rus xidmətinə əsasən xəbər verir. Hüquq-mühafizə orqanları pivənin bilərəkdən zəhərləndiyini zənn edirlər.

Zəhərlənən şəxslərin hamısı dəfn mərasiminin iştirakçısı olublar. Mərasimdə ölkədə buğda və ya qarğıdalıdan hazırlanan ənənəvi pombe pivəsi paylanıb.

Polis dəfn mərasimi iştirakçılarının qəbiristanlığa getdikləri vaxt zəhərləndiyini güman edir. Pivəni bişirən qadın da qurbanlar arasındadır.

----------
11:34

Mozambikdə keçrilən dəfn mərasimlərindən biri faciə ilə başa çatıb. Kütləvi zəhərlənmə nəticəsində 59 nəfər ölüb.

Milli.Az Daily Mail-ə istinadən bildirir ki, olay Mozambikin şimal-şərqindəki Tete vilayətinin Çitima qəsəbəsində yaşanıb.

Mozambiklilərin ənənəvi "Pombe" pivəsindən içən 59 qonaq zəhərlənərək ölüb. 49 qonaq isə çox ağır vəziyyətdə xəstəxanaya aparılıb.

Polisdən verilən məlumata görə, dəfn mərasiminin iştirakçıları qəbristanlıqda olarkən kimsə pivəyə zəhər qatıb.

Dəfnə qatılmış 149 nəfər isə qida zəhərlənməsi diaqnozu ilə müalicə olunur.

Tete vilayətinin baş həkimi Karl Mossun dediyinə görə, pivəyə timsah ödünün qatıldığı güman edilir.

Pivə nümunələri analiz və tədqiqat üçün paytaxt Moputuya göndərilib.

Milli.Az

Böyütmək üçün şəkillərə klikləyin.