"Hörümçək adam" təxəllüslü 52 yaşlı fransalı alpinist Alen Rober Yekaterinburqdakı "Vısotski" biznes mərkəzinə dırmaşıb.Yekaterinburq hakimiyyəti Alen Roberi sığortalanmağa məcbur edib
Anspress-in məlumatına görə, şəhər administrasiyası icazə vermədiyi üçün o, ilk dəfə olaraq sığorta olunaraq binaya dırmaşıb. Buna qədər o, prinsipial olaraq heç vaxt sığortadan istifadə etməyib.
İTAR-TASS biznes mərkəzinə dırmanan Roberin tamaşasına şəhər sakinlərinin yığışdığını yazıb. Sakinlərdən biri təəssüratlarını belə bölüşüb: "Adama elə gəlir ki, binanın şüşə divarı ilə həqiqətən də, hörümçək adam sürüşür".
İşi bitəndən sonra Rober jurnalistlərə müsahibə verib. "Ümumilikdə, qalxma yaxşı keçdi. Bir az isti idi, fiziki gərginlikdən belim ağrıyır".
Milli.Az
Videonu izləmək üçün şəkilə klikləyin.