Cənubi Koreyanın paytaxtı Seuldakı Milli Assambleya Tədqiqat Mərkəzi (National Assembly Research Service, NARS) apardığı son tədqiqatın nəticələrini açıqlayıb.
Koreyalı alimlərin hesabatında bildirilir ki, Cənubi Koreya sakinlərinin nəsli 2750-ci ildə tamamilə tükənəcək.
Milli.Az Chosun İlbo-ya istinadən bildirir ki, ölkənin demoqrafik situasiyasındakı ağır vəziyyət düzəlməzsə, Cənubi Koreya yox olacaq. Ötən il Cənubi Koreyada reproduktiv yaşda olan hər qadına düşən doğuşların statistik sayı 1,19 olub.
Hazırda 50 milyon sakinə malik Cənubi Koreyanın əhalisinin sayı 2056-cı ildə 40 milyon, 2136-cı ildə 10 milyona düşəcək.
Bu minvalla Cənubi Koreyadakı koreyalılar dünyada nəsli kəsiləcək ilk millət olacaq.
Milli.Az