Dünya

General Motors-un başı bəlada

24 İyun 2014 13:39
0 Şərh     Baxış: 2 017
VTB-də minimal faiz dərəcəsi ilə nağd kredit 10.49%-dən
#POPULYAR XƏBƏRLƏR #DÜNYADA #RUSSİA #AVTO #GENERAL MOTORS CORPORATİON
Avtomobillərin işə salma kilidində aşkar olunan qüsurlar General Motors şirkəti üçün baha başa gələ bilər. Milli.Az Rusiya mətbuatına istinadən xəbər verir ki, şirkəti məhkəməyə verənlərin tələb etdikləri təzminatın məbləği artıq 10 milyard dolları keçir.

Reuters agentliyinin məlumatına görə, General Motors şirkəti qüsurları müştərilərdən gizlətməkdə ittiham edilir. Şirkətin gizlətdiyi qüsurlar ucbatından dəfələrlə qəza baş verib, 13 nəfər həlak olub. Baş verən hadisələrdən sonra avtomobil nəhəngi 20 milyon avtomobili geri çağırmaq məcburiyyətində qalıb.

Defekt aşkar olunan avtomobillərin qiyməti modeldən asılı olaraq 500 dollardan 2600 dollara qədər aşağı düşüb.

Şirkətə qarşı məhkəmə iddiasını "Hagens Berman Sobol Shapiro" hüquq şirkəti xəsarət almış Anna Endryus adından irəli sürüb. General Motors geri çağırdığı avtomobillərə görə ümumilikdə 10 milyard dollar təzminat ödəmək məcburiyyətində qala bilər.

Bu hadisələrə görə General Motors şirkətinin artıq 15 nəfər yüksək vəzifəli əməkdaşı işindən ayrılıb. Bundan başqa, avtomobil konserni dövlət tərəfindən də 35 milyon dollar cərimə olunub.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.