Sirr açılmır: itmiş təyyarə, 239 nəfər hələ də tapılmır - FOTO

Milli.Az Agence France-Presse-ə istinadən bildirir ki, The Wall Street Journal-in yaydığı məlumata görə, sərnişin təyyarəsinin axtarışlarında iştirak edən ABŞ-ın Federal Tühlükəsizlik Bürosu və Mərkəzi Kəşfiyyat İdarəsinin əməkdaşları belə deyiblər.
 

Amerikalıların sözlərinə görə, onlar itmiş Boeing təyyarəsi üçün aviasiya mühərrikləri istehsal edən Rolls-Royce şirkətindən alınmış məlumatlara əsaslanırlar. Uçuş barədə məlumat təyyarədəki mühərriklərdən şirkətə avtomatik rejimdə hər yarım saatda bir ötürülür.
 

Rolls-Royce-dakı məlumatlara görə, təyyarə radarlardan yoxa çıxandan sonra təxminən 4 saat uçub: "Bu isə Malayziya aviaşirkətinin təyyarəsinin Hind okeanına düşə bilməsini istisna etmir".

Malayziyanın nəqliyyat naziri Hişamuddin Hüsseynin dediyinə görə, Rolls-Royce şirkətinin əməkdaşları Kuala-Lumpurdadırlar və araşdırmalarda iştirak edirlər.
 

"Amerikalı müstəntiqlərlə agentlərin The Wall Street Journal-a təqdim etdikləri məlumatları hələ almamışıq", - nazir deyib.

Adının çəkilməsini istəməyən aviasiya eksperti isə The New York Times-a bildirib ki, mühərriklərdən məlumatlar Rolls-Royce-a həmişə yox, yalnız uçuş və eniş zamanı verilir.
 

Bundan başqa, Malayziya hökumətinin yetkililərinin dediklərinə görə, Çinin kosmik peykindən çəkilən və itkin düşmüş Boeing-in qalıqları kimi təqdim olunan obyektlər təyyarəyə aid deyil.

Çinin Malayziyadakı səfiri bəyanat verib ki, fotolar yanlış olaraq dərc olunub.
 

"Malaysia Airlines" aviaşirkətinin Boeing 777-200ER sərnişin təyyarəsi martın 8-də yoxa çıxıb. Təyyarə Kuala-Lumpurdan Pekinə uçurdu. Təyyarədə 239 nəfər, o cümlədən 12 nəfər heyət üzvü vardı.
 

MH370 reysi ilə uçan təyyarənin axtarışlarında 12 ölkə iştirak edir.

ABŞ rəsmilərinin dediklərinə görə, onlar təyyarənin qalıqlarının Hind okeanında axtarışları ilə məşğuldurlar.

Milli.Az