Dünya

ABŞ «zərər gətirən» istiqrazların satışına başlayıb

27 Oktyabr 2010 19:30
Baxış: 1 137
VTB-də minimal faiz dərəcəsi ilə nağd kredit 9.9%-dən
#GOLDMAN SACHS GROUP INC
"Goldman Sachs" bankı isə tədavül müddəti 50 il olan istiqrazların emissiyasına hazırlaşır.

"Financial Time" qəzeti yazır ki, rəsmi uçot dərəcəsinin tarixində ən aşağı həddə olduğu bir vaxtda investorlar çətin seçim qarşısındadırlar, Federal Ehtiyat Sistemi isə ölkə iqtisadiyyatının inkişafı və deflyasiyanın qarşısını almaq üçün vəsait cəlb etmək istəyir. Bütün bunlar istiqrazların buraxılışında ilk növbədə qəribə görünən variantların yaranmasına səbəb olub.

Mənfi gəlirlik dərəcəsi olan istiqrazların gəlirliyi inflyasiyaya bağlanıb. Belə istiqrazların sahibləri o zaman gəlir əldə edəcəklər ki, ölkədə inflyasiya baş versin. Beləliklə, mənfi gəlirlik dərəcəsi olan istiqrazları alan investorlar FES-nin deflyasiya ilə mübarizədə uğur qazanacağına ümid etməlidirlər. Artıq buna maraq göstərənlər tapılıb - ABŞ-ın Maliyyə Nazirliyi bir qədər əvvəl gəlirliyi mənfi 0,55% olan 10 mlrd. dollarlıq istiqraz yerləşdirib.

Uçot dərəcələrinin ən aşağı həddə olduğu bir vaxtda maraqlı variantlar axtaran investorlar isə "Goldman Sachs" bankının 50 illik müddətə buraxdığı istiqrazlara üz tuta bilərlər. Bank yaxın vaxtlarda 250 mln. dollarlıq belə istiqraz buraxmaq niyətindədir, onların illik gəlirliyi isə 6,25%-dir.

/APA/
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.