Dünya

İsveçrə bank sirrini açmayacaq

4 Sentyabr 2010 10:18
Baxış: 1 093
VTB-də minimal faiz dərəcəsi ilə nağd kredit 10.49%-dən
#HSBC HOLDİNGS PLC #UBS AG
Oktyabrın 1-də qanun statusu alacaq qərarı Federal Konfederasiya Şurası qəbul edib.

Bir qədər əvvəl Almaniya və Fransa hökumətləri İsveçrə banklarının müştəriləri olan vətəndaşları barədə oğurluq informasiyalar əldə etmiş, bu isə Bernin Berlin və Parislə münasibətlərini xeyli gərginləşdirmişdi.

UBS bankının 4500 müştərisi barədə məlumatların ABŞ-a verilməsi isə həmin bankın sabiq əməkdaşının açıqlamalarından sonra baş tutmuşdu. Bu isə ABŞ və İsveçrə arasında bank məlumatlarının mübadiləsi barədə xüsusi anlaşmanın imzalanması ilə sonuclanmışdı.

Ötən il Fransa vətəndaşı rəsmi Parisə HSBC bankının Cenevrədəki bölməsinin 3 min müştərisi barədə məlumatları vermiş, bir qədər sonra isə Berlin İsveçrə banklarında hesabları olan Almaniya vətəndaşları barədə bilgiləri satın almışdı.

Yeni qanun qüvvəyə minəndən sonra İsveçrənin hakimiyyət dairələri istənilən ölkədən gələn məlumat tələbinin qanuniliyini araşdıracaq. Bundan başqa, bank hesablarına pul yatırmaqla vəsaitini vergidən yayındıran vətəndaşlarla yanaşı, bu vətəndaşlar barədə xəbər verən kəslər barədə dövlət qurumlarına müfəssəl məlumatlar verilməlidir.

Rəsmi Bern bu yolla bank dosyelərinin oğurlanması və onların sonradan maraqlı tərəflərə satışının qarşısını almağa çalışır.

/Ekspress/
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.