Dünya

"Google" açıq internet haqda qanun prototipi təqdim edib

11 Avqust 2010 19:42
Baxış: 1 593
VTB-də minimal faiz dərəcəsi ilə nağd kredit 10.49%-dən
#GOOGLE INC #VERİZON COMMUNİCATİONS INC
"Google" korporasiyası və ABŞ-ın mobil rabitə operatoru "Verizon" şirkəti ABŞ Federal Rabitə Komissiyasına internetin bütövlüyünün və açıqlığının qorunması üçün vacib olan amillər siyahısını təqdim ediblər.

İki səhifəlik sənəddə doqquz tövsiyə əks olunub. Birinci yerə istifadəçilərin provayder özbaşınalığından qorunması məsələsi çıxarılıb. Qeyd olunub ki, provayder şirkətlər leqal kontent mübadiləsinə, qanunazidd olmayan proqramların istifadəyə verilməsinə, eləcə də provayderin şəbəkəsinə zərər gətirməyən qurğuların qoşulmasına mane olmalı deyillər.

Bundan əlavə, "Google" və "Verizon" trafikin prioritet və qeyri-prioritet amillər üzrə bölünməsinin əleyhinə çıxış ediblər. Provayderlərin mal və xidmətləri sadə dillə və ətraflı izah olunmalıdır.

Provayderlərin özləri isə şəbəkələri və avadanlığı ilə yalnız qeyd olunan qaydalara riayət olunmaqla idarə etməlidirlər. Abonentin xidmət şərtlərinə dəyişikliklərin edilməsi sırf texniki zərurət olduqda həyata keçirilə bilər.

İnternetə genişzolaqlı çıxışı xüsusi fonddan dəstəklənən universal xidmətlər siyahısına daxil etmək tövsiyə olunur. Bildirilir ki, provayderlər əlillərin internetə qoşulmalarına da nəzarət etməlidirlər.

/AzərTac/
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.