Dünya

Sarkozi həbs oluna bilər - FOTO

22 Mart 2013 10:44

0 Şərh Baxış: 1 292

VTB-də minimal faiz dərəcəsi ilə nağd kredit 9.9%-dən

#L'OREAL S.A.

O, Fransanın ən varlı qadını, L'Oreal kosmetika korporasiyasının sahibəsi Lilian Betankurun səhhətinin pis halda olmasından sui-istifadə edərək ondan 2007-ci ildə seçkiqabağı kampaniyasına qanunsuz olaraq pullar almaqda suçlanıb.

Milli.Az France 24-ə istindən bildirir ki, Fransa prokurorluğu "Betankur işi" ilə bağlı istintaqa başlayıb.

Prokurorluq sabiq prezident ilə Betankurun əməkdaşları arasında üzləşdirmə də aparıb. Sarkozi L'Oreal-ın sahibəsi ilə cəmi bir dəfə görüşdüyünü desə də, Betankurun xidmətçiləri belə görüşlərin bir neçə dəfə olduğunu deyiblər.

Fransanın sabiq prezidentinin vəkilləri prokurorluq və məhkəmənin qərarını "ədalətsiz, məntiqsiz" adlandıraraq apellyasiya şikayəti ilə çıxış etmək niyyətində olduqlarını deyiblər.

"Betankur işi" 2007-ci ildə başlayıb. Cinayət işi ilə bağlı 17 siyasətçiyə, o cümlədən Sarkoziyə qarşı ittihamlar irəli sürülüb. Əvvəllər prezident immunitetindən yararlanan Sarkozi sonradan şahid, axırda da müttəhim oldu.

İstintaqdan verilən məlumata görə, Nikolya Sarkozi Lilian Betankurdan 150 min avro alıb. Fransa qanunvericiliyinə görə isə prezidentliyə namizəd olan şəxs fiziki şəxslərdən məbləği 4600 avrodan artıq ianə ala bilməz.

2012-ci ilin iyul ayında istintaq çərçivəsində N.Sarkozinin evində və iş yerində, habelə şəriki olduğu hüquq şirkətində axtarışlar aparılmışdı. Noyabrda müstəntiqlər Sarkoziyə qarşı ittiham irəli sürmədilər və onu şahid statusunda saxladılar.

90 yaşlı Lilian Betankur ağır formada Alsgeymer xəstəsidir. Onun ailə üzvləri 2011-ci ildə məhkəməyə müraciət edərək Betankurun anlaqsız olmasının təsdiqlənməsinə nail olmuşdular.

Milli.Az

Böyütmək üçün şəkillərə klikləyin.