Dünya

Londondan ABŞ banklarına zərbə

19 İyun 2010 09:58
Baxış: 1 508
VTB-də minimal faiz dərəcəsi ilə nağd kredit 9.9%-dən
#CİTİGROUP INC #JPMORGAN CHASE & CO #BANK OF AMERİCA CORP
Belə ki, bankirlərin bonus və mükafatlarına tətbiq ediləcək yeni vergi sayəsində rəsmi London 2010-cu ilin II rübündə ABŞ banklarından əlavə olaraq 1,35 milyard funt-sterlinq ($2 milyard) vergi tutacaq.

"The Guardian" bildirir ki, Birləşmiş Ştatların banklarının ilin sonunadək Britaniya büdcəsinə vergi ödənişləri 2,5 milyard funt-sterlinqə çatacaq.

Yeni vergi "Citigroup", "JPMorgan Chase" və "Bank of America" kimi maliyyə-kredit qruplaşmalarının gəlirlərini 10% azaldacaq.

Bütün banklar menecerlərə verilən və məbləği 25 min funt-sterlinqdən çox olan mükafatlarla bonusların 50%-ni vergi qismində büdcəyə ödəməlidir.

"Citigroup" yetkililərinin dediklərinə görə, yeni vergi ucbatından bank təqribən $400 milyon itirəcək.

"Bank of America" bildirib ki, yeni vergi ona $465 milyona başa gələcək. "JPMorgan" nümayəndələri yaranmış vəziyyəti şərh etməkdən boyun qaçırsalar da, vergi ödənişlərinin "əhəmiyyətli məbləğ" təşkil edəcəyini söyləyiblər.

Yeni vergininin tətbiq ediləcəyini Böyük Britaniya xəzinədarlığının sabiq kansleri Alister Darlinq 2009-cu ilin dekabrında bəyan edib.

Həmin vergi banklardə əməkdaşlara ödənilən bonus və mükafatların böyük məbləğindən qaynaqlanan ictimai narazılığın güclənməsi ilə əlaqədardı.

İlkin olaraq vergidən il ərzində 500 milyon funt-sterlinqin əldə ediləcəyi təxmin edilsə də, sonradan proqnoz 2 miylard funt-sterlinqə qədər artırılmışdı.

/Ekspress/
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.