Dünya

Rusiyada milyarderin oğlunun “Lamborghini”si evə girdi: Yaralılar var - (Foto)

12 Avqust 2026 10:30

Baxış: 408

VTB-də minimal faiz dərəcəsi ilə nağd kredit 9.9%-dən

#RUSSİA #AUTOMOBİLİ LAMBORGHİNİ SPA #YOL QƏZASI

Rusiyanın Yekaterinburq şəhərində yüksək qiymətli "Lamborghini Huracan Tecnica"nın iştirakı ilə qəza baş verib.

Milli.Az xəbər verir ki, bu barədə TASS-a Sverdlovsk vilayətinin Dövlət Avtomobil Müfəttişliyi məlumat verib.

İlkin məlumata əsasən, avtomobilin sürücüsü idarəetməni itirib və nəticədə nəqliyyat vasitəsi yaşayış binasına çırpılıb. Hadisənin digər təfərrüatları araşdırılır.

Məlumata görə, qəza zamanı avtomobili "Rus Mis Şirkəti"nin təsisçisi İqor Altuşkinin oğlu David idarə edib. "Forbes" nəşri İqor Altuşkinin sərvətini 4,9 milyard dollar qiymətləndirir.

Hadisə nəticəsində binanın pilləkənində əyləşən iki nəfər xəsarət alıb. Onlardan birinin Yekaterinburqda müalicə olunan Ukrayna müharibəsi iştirakçısı Timur Xəlilov olduğu bildirilir.

Qeyd edək ki, "Lamborghini Huracan Tecnica" modelinin Rusiya bazarındakı qiyməti təxminən 36-48 milyon rubl təşkil edir. Bu isə təqribən 783-989 min manata bərabərdir.

Müəllif: Tural Hüseyn (Milli.Az redaktor)