Dünya

Kralın qardaşı da "Epşteyn işi"nə görə saxlanıldı - FOTO

19 Fevral 2026 15:07

Baxış: 576

VTB-də minimal faiz dərəcəsi ilə nağd kredit 10.49%-dən

#DÜNYADA #ABŞ

Böyük Britaniyada Kral III Çarlzın qardaşı, York hersoqu kimi tanınan şahzadə Endryu dövlət vəzifəsindən sui-istifadə iddiaları üzrə istintaq çərçivəsində saxlanılıb.

Milli.Az xəbər verir ki, məlumata görə, 19 fevral tarixində Norfolkda həyata keçirilən əməliyyat zamanı 60 yaşlarında olan şübhəli həbs edilib.

Polis bildirib ki, Berkşir və Norfolk bölgələrində bir neçə ünvanda axtarışlar davam edir. Rəsmilər istintaqın aktiv mərhələdə olduğunu vurğulayaraq, məhkəmə prosesinə təsir göstərə biləcək açıqlamalardan çəkinməyə çağırıblar.

Araşdırma, məhkum edilmiş maliyyəçi Ceffri Epşteyn ilə bağlı yeni sənədlərin yayılmasından sonra yenidən gündəmə gəlib. İddialara əsasən, Epşteynin fəaliyyəti ilə bağlı bəzi məqamlar və mümkün əlaqələr hüquq-mühafizə orqanları tərəfindən araşdırılır.

Şübhəli şəxsə qarşı irəli sürülən ittihamlar rəsmi şəkildə təsdiqlənməyib və onun bütün iddiaları rədd etdiyi bildirilir. Polis istintaqın şəffaf və qərəzsiz aparılacağını, zəruri olduqda ictimaiyyətə əlavə məlumat veriləcəyini açıqlayıb.

Qeyd edək ki, 2025-ci ilin noyabrında Kral III Çarlz tərəfindən Andrewun rəsmi titulları ləğv edilmişdi. Hazırda istintaq davam edir.

Fidan
Milli.Az