Dünya

Maskat görüşü ərəfəsində gərginlik: İran "Müzakirəyə qapalıyıq" dedi

5 Fevral 2026 23:16

Baxış: 1 493

VTB-də minimal faiz dərəcəsi ilə nağd kredit 9.9%-dən

#IRAN #DONALD TRAMP

Sabah Umman vasitəçiliyi ilə keçirilməsi planlaşdırılan nüvə danışıqları öncəsi Tehran tərəfi çox sərt bəyanatla çıxış edib. İranın bu çıxışı müzakirələrin hələ başlamadan iflasa uğraması və bölgədə müharibə riskinin artması kimi qiymətləndirilir.

Milli.Az xəbər verir ki, İran Məclisinin Milli Təhlükəsizlik və Xarici Siyasət Komissiyasının sözçüsü İbrahim Rızai ölkəsinin "qırmızı xətlərini" elan edib.

İran bildirir ki, öz müdafiə sistemi olan ballistik raketləri heç bir halda müzakirə masasına qoymayacaq.

Tehran (hətta aşağı səviyyədə olsa da) uran zənginləşdirmə fəaliyyətlərini dayandırmayacağını və ABŞ-nin "sıfır zənginləşdirmə" tələbinin qəbul edilməz olduğunu bildirib.

ABŞ tərəfi, xüsusilə Xarici İşlər naziri Marko Rubio müzakirələrin yalnız nüvə mövzularla məhdudlaşmayacağını vurğulayıb. Vaşinqton masaya aşağıdakı mövzuları da gətirməkdə israrlıdır:

İranın bölgədəki "vəkil qrupları"na (proksilərinə) dəstəyi.

Ballistik raket proqramına qoyulacaq məhdudiyyətlər.

İran daxilindəki insan haqları vəziyyəti.

Əvvəlcə İstanbulda keçirilməsi planlaşdırılan görüş son anda Ummana (Maskat) keçirilib. Bunun əsas səbəbi İranın görüşləri "ikitərəfli" (yalnız ABŞ və İran) formatda saxlamaq istəyidir. Tehran Türkiyədəki görüşə digər ərəb və müsəlman ölkələrinin müşahidəçi kimi qatılmasını və müzakirə mövzularının genişlənməsini istəməyib.

Lalə Qüdrətova
Milli.Az