Dünya

"Nobel vermədiniz, daha sülhü düşünməyə borclu deyiləm"

20 Yanvar 2026 09:30

Baxış: 1 430

VTB-də minimal faiz dərəcəsi ilə nağd kredit 9.9%-dən

#ABŞ #DONALD TRAMP #SÜLH #NOBEL

ABŞ Prezidenti Donald Tramp Nobel Sülh Mükafatının ona təqdim olunmamasından narazı qaldığını açıqlayıb və bu qərardan sonra artıq yalnız sülh amilini əsas götürməyə məcbur olmadığını bildirib.

Milli.Az xəbər verir ki, Tramp bu fikirləri Norveçin baş nazirinə ünvanladığı məktubda ifadə edib. ABŞ lideri bundan sonra qərarlarını yalnız Amerikanın maraqları və ölkə üçün faydalı hesab etdiyi addımlar üzərində quracağını vurğulayıb.

Məktubda Tramp Qrenlandiya məsələsinə də toxunaraq bildirib ki, bu ərazi ABŞ-nin dəstəyi olmadan Rusiya və ya Çin kimi güclərdən qoruna bilməz. O, Danimarkanın Qrenlandiya üzərindəki suveren hüquqlarını da şübhə altına alıb.

ABŞ prezidenti qeyd edib ki, guya səkkiz müharibənin dayandırılmasında rol oynamasına baxmayaraq, Nobel Sülh Mükafatına layiq görülməməsi onun yanaşmasına təsir edib. Tramp məktubunda "Sülh hər zaman qalib gəlməlidir, lakin mövcud qərarı nəzərə alaraq artıq yalnız bu anlayışla hərəkət etməyə borclu deyiləm. İndi ABŞ üçün ən doğru və faydalı olanı düşünə bilərəm", - fikirlərini səsləndirib.

Hüseyn
Milli.Az