Dünya

YPG Suriyada İŞİD-çi terrorçuları həbsxanadan sərbəst buraxdı

19 Yanvar 2026 23:08
Baxış: 952
VTB-də minimal faiz dərəcəsi ilə nağd kredit 9.9%-dən
#SURİYA

Suriya ordusu atəşkəs razılaşmasına baxmayaraq, YPG/SDG terror təşkilatının ölkənin şimal-şərqindəki Həsəkə vilayətinin Şəddadi şəhərində yerləşən həbsxanadan İŞİD üzvlərini azad etdiyini açıqlayıb. Ordu bölmələri qaçan terrorçuları yaxalamaq üçün Şəddadiyə daxil olub.

Milli.Az xəbər verir ki, Suriya hökuməti ilə YPG/SDG arasında əldə olunmuş "Tam İnteqrasiya Razılaşması"na əsasən, terror təşkilatının nəzarətindəki İŞİD düşərgələri və həbsxanaları dövlətə təhvil verilməli idi. Lakin razılaşmanın ertəsi günü YPG skandal bir addım ataraq Şəddadi həbsxanasındakı İŞİD-çiləri sərbəst buraxmağa başlayıb.

Suriya ordusu vasitəçilər vasitəsilə həbsxananın nəzarətini dinc yolla təhvil almaq üçün YPG ilə əlaqə saxlayıb, lakin təşkilat bunu rədd edib.

İŞİD-çilərin sərbəst buraxılmasından sonra Suriya hərbi birləşmələri Həsəkənin Şəddadi şəhərinə daxil olublar.

Hazırda Suriya qüvvələri Şəddadi şəhəri və ətrafında, xüsusilə həbsxana zonasında genişmiqyaslı axtarış-tədqiqat işləri aparır. Məqsəd sərbəst buraxılan terrorçuları yaxalamaq və ərazinin təhlükəsizliyini təmin etməkdir. Suriya rəhbərliyi baş verənlərə görə birbaşa YPG/SDG qruplaşmasını məsuliyyətli tutduğunu bəyan edib.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.