Dünya

Makronun gözünə nə olub? - "Hesab edin ki, Pələng gözüdür" - FOTO

15 Yanvar 2026 20:06

Baxış: 451

VTB-də minimal faiz dərəcəsi ilə nağd kredit 10.49%-dən

#FRANSA

Fransa Prezidenti Emmanuel Makronun ölkənin cənubundakı İstres hərbi bazasında silahlı qüvvələr qarşısında çıxışı zamanı gözündəki qızartı və şişkinlik diqqətdən yayınmayıb. Prezident bu vəziyyəti zarafatla qarşılayaraq hərbçilərə və ictimaiyyətə mesaj verib.

Milli.Az xəbər verir ki, günün erkən saatlarında qoşunların yoxlanışı zamanı gün eynəyi taxan Makron rəsmi çıxışına başlamazdan əvvəl xarici görünüşünə görə üzr istəyib: "Gözümün xoşagəlməz görünüşünə görə məni bağışlayın. Bu, əlbəttə ki, tamamilə zərərsiz bir şeydir."

O, vəziyyəti yumorla şərh edərək, bu görüntünün Silvestr Stallonenin baş rolda oynadığı məşhur "Rokki III" filmindəki "Pələng Gözü" (Eye of the Tiger) mahnısına qeyri-iradi bir istinad olduğunu bildirib. "Kimin bu mesajı anladığını bilirəm, bu, qətiyyət əlamətidir", - deyə Makron əlavə edib.

Lalə Qüdrətova
Milli.Az