Dünya

Müvəqqəti prezidentdən ilk sərəncam: ABŞ-ni dəstəkləyənlər həbs olunacaq

6 Yanvar 2026 09:55

Baxış: 975

VTB-də minimal faiz dərəcəsi ilə nağd kredit 10.49%-dən

#DÜNYADA #ABŞ #VENESUELA

ABŞ-nin 3 yanvar tarixində Venesuelaya qarşı həyata keçirdiyi hərbi əməliyyatdan sonra müvəqqəti prezident kimi vəzifəyə başlayan Delsi Rodrigez ilk icra sərəncamını imzalayıb.

Milli.Az xəbər verir ki, "Xarici Təhdid Vəziyyəti" başlığı altında dərc edilən fərmanla ABŞ müdaxiləsini dəstəkləyən və ya təşviq edən şəxslərin saxlanılması və məhkəməyə verilməsi əmr olunub.

İcra sərəncamı milli, ştat və bələdiyyə səviyyəsində fəaliyyət göstərən bütün hüquq-mühafizə orqanlarına geniş səlahiyyətlər verir. Polis qüvvələrinə ABŞ-nin hərbi əməliyyatını dəstəkləyən şəxsləri müəyyən etmək, saxlamaq və məsuliyyətə cəlb etmək tapşırılıb.

Rəsmi açıqlamaya görə, fövqəladə vəziyyət rejimi 90 gün müddətində qüvvədə olacaq və zərurət yaranarsa daha 90 gün uzadıla bilər. Sözügedən fərman 1999-cu il Konstitusiyasında milli təhlükəsizliyə ciddi təhdid hallarında dövlət başçısına fövqəladə səlahiyyətlər verən müddəa əsasında qəbul edilib və bu maddənin ilk tətbiqi kimi qiymətləndirilir.

Delsi Rodrigez andiçmə mərasimindən əvvəl fərmanı təsdiqləyərək ölkədə rəsmi olaraq fövqəladə vəziyyət elan edib. Sənəddə ABŞ-nin Venesuela ərazisinə qarşı "silahlı təcavüzünü" dəstəkləyən şəxslərin milli təhlükəsizliyə təhdid yaratdığı vurğulanıb.

Fidan
Milli.Az