Dünya

HAMAS israilli girovları azad etməyə və Qəzzanın idarəçiliyini təhvil verməyə hazırdır

4 Oktyabr 2025 09:53

Baxış: 925

VTB-də minimal faiz dərəcəsi ilə nağd kredit 9.9%-dən

#İSRAİL #YAXIN ŞƏRQ #FƏLƏSTİN

HAMAS hərəkatı Donald Trampın Qəzza sülh planına cavabını vasitəçilərə təqdim etdiyini təsdiqləyib.

Milli.Az xəbər verir ki, hərəkat anklavda saxlanılan bütün canlı israilli girovları azad etməyə və ölənlərin cəsədlərini təhvil verməyə hazır olduğunu bildirib.

"HAMAS ABŞ prezidentinin qeyd etdiyi plana uyğun olaraq və mübadilə üçün uyğun mühitin təmin edilməsi şərti ilə bütün canlı girovları azad etməyə və ölülərin cəsədlərini qaytarmağa razıdır", - hərəkatın "Telegram" kanalında dərc olunan bəyanatda deyilir.

Hərəkat üzvləri bu məsələni müzakirə etmək üçün dərhal vasitəçilər vasitəsilə danışıqlara keçməyə hazır olduqlarını vurğulayıblar.

Təşkilat həmçinin Qəzzanın idarəçiliyini müstəqil siyasətçilərdən ibarət Fələstin hakimiyyətinə təhvil verməyə razı olduğunu açıqlayıb. /APA

Milli.Az