Dünya

Çin Mərkəzi Bankı 10 aydır fasiləsiz qızıl alır - nəyə hazırlaşır?

7 Sentyabr 2025 22:33

Baxış: 478

VTB-də yüksək depozit faizleri daha çox qazandırır

#İQTİSADİYYAT #ÇİN

Çin Mərkəzi Bankı, 10 aydır ardıcıl olaraq dollar əvəzinə qızıla yönəlib və hər ay etdiyi alışlarla qızıl ehtiyatlarını artırıb. Pekinin qızıla olan bu marağı qlobal bazarlarda diqqətlə izlənilən qeyri-müəyyənlik mühiti yaradıb.

Ehtiyatlarda sabit artım

Bankın açıqladığı rəsmi məlumata görə, avqust ayında ehtiyatlara əlavə 0,06 milyon troya unsiyası qızıl daxil edilib. Bununla da Çinin ümumi qızıl ehtiyatı 74,02 milyon troya unsiyaya yüksəlib. Ötən ilin noyabrında başlanan alış prosesi çərçivəsində Çin indiyədək təxminən 1,22 milyon troya unsiyası qızıl toplayıb.

Qızılda rekord yüksəliş

Son dövrlərdə qızıl qiymətləri yeni rekordlara çatıb. ABŞ-də faiz endirimi gözləntiləri və Ağ Evin Federal Ehtiyat Sisteminə (Fed) göstərdiyi siyasi təzyiqlər, "təhlükəsiz liman"a marağı artıraraq qızılın uzun müddət davam edən sabit gedişini pozub.

Goldman Sachs: "5 min dollara çata bilər"

Beynəlxalq investisiya bankı Goldman Sachs, bu il qızılın qiymətinin 30 faizdən çox artaraq unsiya başına 3 500 dolları keçdiyini açıqlayıb. Bank, Fed-in müstəqilliyini zəiflədəcək inkişafların baş verməsi halında qızılın 5 000 dollar səviyyəsinə yaxınlaşa biləcəyi barədə xəbərdarlıq edib.

Dünya Qızıl Şurasından qlobal baxış

İstehsalçıların dəstəyi ilə fəaliyyət göstərən Dünya Qızıl Şurasının son hesabatına əsasən, qiymət artımları səbəbilə bəzi mərkəzi bankların alış sürəti azalsa da, geosiyasi risklər rəsmi sektordan gələn tələbi dəstəkləməyə davam edəcək.

Lalə Qüdrətova
Milli.Az