Dünya

Ermənistanın 100lərlə yük maşını Rusiyaya buraxılmadı

24 Avqust 2025 10:57

Baxış: 1 789

VTB-də minimal faiz dərəcəsi ilə nağd kredit 9.9%-dən

#RUSSİA #ERMƏNİSTAN #KƏND TƏSƏRRÜFATI #YÜK #SƏRHƏD

Rusiyaya ixrac edilən Ermənistan kənd təsərrüfatı məhsulları geri qaytarılıb.

Milli.Az xəbər verir ki, bu barədə "Ermənistan" fraksiyasının deputatı Qarnik Danielyan məlumat yayıb.

Onun sözlərinə görə, gavalı, şaftalı və üzüm daşıyan yüzlərlə erməni yük maşını sərhəd-keçid məntəqəsindən geri qayıtmağa məcbur olub.

Deputatın daşıyıcılara istinadla verdiyi məlumata əsasən, səbəb kimi guya yeni fitosanitar tələblərin tətbiqi göstərilir.

Danielyan qeyd edib ki, yaranmış vəziyyət fermerlərə və kənd təsərrüfatı istehsalçılarına ciddi zərər vurur.

"Hətta tikinti materialları daşıyan maşınlar da çətinliklə üzləşir. Onlarla yük maşını hələ də qeyri-müəyyən şəraitdə qərarın verilməsini gözləyir", - o, qeyd edib.

Deputat vurğulayıb ki, hökumət baş verənlərə adekvat reaksiya vermir və vəziyyət təkcə iqtisadi deyil, həm də siyasi xarakter daşıyır. /APA

Milli.Az