Dünya

ABŞ-də təyyarə qəzası: "Sağ qalan olmayıb"

30 İyun 2025 15:22

Baxış: 506

VTB-də minimal faiz dərəcəsi ilə nağd kredit 10.49%-dən

#DÜNYADA #QƏZA #TƏYYARƏ #ABŞ

Bazar günü səhər ABŞ-ın Ohayo ştatının şimal-şərqində, Howland qəsəbəsində təyyarə qəzası baş verib.

Milli.Az xəbər verir ki, təyyarə qəzası altı nəfərin həyatına son qoyub.

Hadisə Yanqstaun-Uorren Regional Hava Limanının uçuş-enmə zolağından təxminən iki mil aralıda baş verib.

Qəza zamanı göyərtədə iki ekipaj üzvü və dörd sərnişin olub. Qəza baş verən təyyarə Cessna 441 markalı iki mühərrikli kiçik hava gəmisidir. ABŞ Milli Nəqliyyat Təhlükəsizliyi Şurası (NTSB)-nin ilkin açıqlamasına görə, təyyarə havaya qalxdıqdan cəmi yeddi dəqiqə sonra qəzaya uğrayıb.

"Haulenddə təyyarənin qəzaya uğraması nəticəsində sağ qalan olmayıb", - yerli səlahiyyətlilərin məlumatında bildirilir.

Qəzada həyatını itirən şəxslərin kimliyi hələlik ictimaiyyətə açıqlanmayıb.

Fidan
Milli.Az