Dünya

Con Kennedi sevgilisini abort etdirməyə məcbur edib - FOTO

30 İyun 2025 14:37

Baxış: 1 204

VTB-də minimal faiz dərəcəsi ilə nağd kredit 9.9%-dən

#DÜNYADA #TARİX

ABŞ-ın keçmiş prezidenti Con F. Kennedinin şəxsi həyatı ilə bağlı yeni tərcümeyi-hal kitabında qalmaqallı iddialar yer alıb.

Milli.Az xarici mediaya istinadla xəbər verir ki, J. Randy Taraborrelli tərəfindən yazılmış və "JFK: Public, Private, Secret" adlanan əsərdə Kennedinin 23 yaşlı stüardessa Coan Lundberqlə münasibəti, onun hamiləliyi və abort üçün pul göndərməsi haqqında məlumat verilir.

Kitaba əsasən, 1958-ci ildə, Kennedinin həyat yoldaşı Jacqueline Kennedy qızları Karoline-ni dünyaya gətirdikdən qısa müddət sonra Coan Lundberq hamilə olduğunu prezidentə bildirir. O zaman Kennedinin 39, Coan Lundberqin isə 23 yaşı var idi.

Müəllifin yazdığına görə, Coan bu xəbəri telefonla verdikdə Kennedi sarsılıb və abort üçün ona 400 dollar göndərəcəyini bildirib. Pul ilkin mərhələdə Coana çatmasa da, daha sonra əlavə pul göndərilib və stüardessa abortu etdirib.

Taraborrelli yazır ki, Kennedi bu uşaqla bağlı məsuliyyət götürmək istəməyib:

"Cek çox aydın idi; o, Coanın körpə sahibi olmasını istəmirdi... O, qəzəbli və məyus idi, həm də realist idi."

Kitabda qeyd olunur ki, Coan Lundberq həmin dövrdə iki uşaq anası idi və Norm Bishop adlı bir kişi ilə birlikdə yaşayırdı. Həmçinin o, Frontier Airlines aviaşirkətində stüardessa kimi çalışırdı.

Keçmiş prezident bu münasibət və hadisə barədə heç vaxt ictimaiyyətə açıqlama verməyib.

Fidan
Milli.Az