Dünya

İran Tel-Əvivi gecələr niyə vurur? – Səbəblər açıqlandı

17 İyun 2025 23:12

Baxış: 3 103

VTB-də minimal faiz dərəcəsi ilə nağd kredit 9.9%-dən

#IRAN #İSRAİL

İranın son vaxtlar Tel-Əvivə qarşı həyata keçirdiyi hücumların əsas vaxtı gecə saatlarına təsadüf edir.

Milli.Az bildirir ki, "The Jerusalem Post" nəşrində yayımlanan məqalədə bu strategiyanın arxasında duran səbəblər açıqlanıb.

Məlumata görə İran bu üsulla həm İsrailin hava hücumundan müdafiə sistemlərini sınaqdan keçirir, həm də yoraraq onların effektivliyini azaltmağa çalışır. Xüsusilə "Dəmir Qübbə", "David's Sling" və "Arrow" kimi müdafiə sistemlərinin davamlı təzyiq altında saxlanılması əsas hədəf kimi göstərilir.

Digər tərəfdən, gecə hücumları psixoloji təsir baxımından da seçilir. Hədəf Tel-Əviv sakinləri arasında qorxu və təlaş yaratmaq, gündəlik həyat ritmini pozmaqdır. Belə hücumlarla İsrailin həm hərbi, həm də cəmiyyət səviyyəsində dayanıqlığı sınağa çəkilir.

Qeyd edək ki, bu hücumlar İran tərəfindən "Əsl vəd əməliyyatı-3" adı ilə həyata keçirilir. Tehran bu əməliyyatlarla bölgədəki mövqeyini nümayiş etdirməyə çalışır və mümkün riskləri qabaqladığını bildirir.

İslam
Milli.Az