Dünya

Məşhur çipslərdə təhlükəli maddə aşkar edildi - Təcili geri çağırılır

3 İyun 2025 10:50

Baxış: 2 587

VTB-də minimal faiz dərəcəsi ilə nağd kredit 9.9%-dən

#QİDA #QİDA TƏHLÜKƏSİZLİYİ

Belçika Qida Təhlükəsizliyi Təşkilatı (FAVV) "Carrefour Sensation" markasına məxsus "Paprika" ətirli çipslərdə insan sağlamlığı üçün kanserogen təsirə malik akrilamid maddəsinin yüksək səviyyədə aşkarlandığını bildirib.

Milli.Az xəbər verir ki, sözügedən məhsul təcili olaraq satışdan yığılır.

"FAVV" və "Carrefour" rəhbərliyi vətəndaşlara bu məhsulu istehlak etməməyi və ən yaxın filiallara təhlükəsiz şəkildə geri qaytarmağı tövsiyə edib. Məhsulun satışda olduğu bütün ölkələrdə, o cümlədən Türkiyə filiallarında da toplatdırılmasına qərar verilib.

Qeyd edək ki, Akrilamid - nişasta tərkibli qidaların yüksək temperaturda bişirilməsi zamanı yaranan kimyəvi birləşmədir. Avropa Qida Təhlükəsizliyi Təşkilatı (EFSA) bildirir ki, bu maddə qlisidamid adlı metabolitə çevrilərək DNT-yə zərər verə, xərçəng riskini artıraraq neyrotoksik təsirlər yarada bilər.

Fidan
Milli.Az