Dünya

Bələdiyyə sədri və müşavirinə silahlı hücum - Hər ikisi öldürüldü - FOTO

21 May 2025 14:40

Baxış: 1 329

VTB-də minimal faiz dərəcəsi ilə nağd kredit 9.9%-dən

#DÜNYADA #HADİSƏ #MEKSİKA

Mexikonun meri Klara Bruqadanın şəxsi katibi Ximena Quzman və onun müşaviri Xose Munoz silahlı hücumda öldürülüb.

Milli.Az xəbər verir ki, Meksikanın paytaxtı Mexiko şəhərində mer Klara Bruqadanın şəxsi katibi Ximena Quzman və onun müşaviri Xose Munoz silahlı hücumda öldürülüb.

Səlahiyyətlilərə görə, Quzman və Munoz Mexikoda Calzada de Tlalpan və Napoleon küçələrinin kəsişməsində maşında olarkən motosikletçinin hücumuna məruz qalıb. Həkim qruplarının bütün səylərinə baxmayaraq, Quzman və Munoz hadisə yerində dünyasını dəyişib.

Meksika prezidenti Klaudiya Şeynbaum Təhlükəsizlik və Vətəndaşların Müdafiəsi nazirinə hücum edənləri tapmağı tapşırıb, hadisə ilə bağlı araşdırma başlayıb.

Meksika prezidenti Klaudiya Şeynbaum Milli Sarayda keçirilən gündəlik mətbuat konfransında "Təəssüf ki, Ximena Quzman və Xose Munoz silahlı hücum nəticəsində həyatını itirib" deyib. Şeynbaum hücum edənlərin tapılması üçün Təhlükəsizlik və Vətəndaşların Müdafiəsi (SSPC) katibi Ömər Qarsiya Harfuka göstəriş verdiyini ifadə edərək, "Bu hadisənin məsulları cəzasız qalmayacaq və ədalət qarşısında cavab verəcəklər. İstintaq hərtərəfli aparılacaq və hökumətin tam dəstəyi var" sözlərini deyib.

Fidan
Milli.Az