Şou-biznes

Nikol Kidman illər sonra Tom Kruzla evliliyindən danışdı

15 Avqust 2026 08:41

Baxış: 826

VTB-də minimal faiz dərəcəsi ilə nağd kredit 9.9%-dən

#AKTRİSA

Hollivud ulduzu Nikol Kidman aktyor Tom Kruzla evliliyi barədə danışıb.

Milli.Az xəbər verir ki, aktrisa "British Vogue"ya müsahibəsində 23 yaşında olarkən Tom Kruzla ailə qurmaq qərarına qarşı çıxanların olduğunu bildirib. Həmin vaxt həmkarları daha məşhur olan Kruzla evliliyinin onun karyerasına kölgə salacağından narahat olublar.

Kidman isə həmin dövrdə sevgi naminə karyerasından belə imtina etməyə hazır olduğunu deyib:

"Mənə fərqi yox idi. Mən aşiq idim və evlənmək istəyirdim. Sevdiyim insanla evlənməməliyəm? Əlbəttə, karyeramı qurban verməyə hazır idim, mənə fərqi yox idi".

Qeyd edək ki, Kidman və Tom Kruz 1990-cı ildə ailə qurublar. Cütlük "İldırım günləri", "Uzaq-uzaq" və "Geniş bağlı gözlərlə" filmlərində birlikdə rol alıb. Onların evliliyi 10 il davam edib və 2001-ci ildə boşanıblar. Cütlüyün Bella və Konor adlı iki övladı var. Hər ikisi övladlığa götürülüb. (Axşam.az)

Müəllif: Ülkər Vəliyeva (Milli.Az redaktor)