Dünya

Papanın dəfn mərasimində Trampın bu iki hərəkəti gündəm oldu

28 Aprel 2025 10:20

Baxış: 2 682

VTB-də minimal faiz dərəcəsi ilə nağd kredit 9.9%-dən

#DÜNYADA #DONALD TRAMP

21 aprel tarixində vəfat edən Papa Fransisk üçün Vatikanın Müqəddəs Pyotr Meydanında təntənəli dəfn mərasimi keçirilib. Minlərlə insanın qatıldığı mərasimdə 6 kilometr uzunluğunda kortej qurulub, tabut Müqəddəs Böyük Məryəm Bazilikasına aparılıb.

Milli.Az xarici mətbuata istinadla xəbər verir ki, ABŞ Prezidenti Donald Tramp Papa Fransiskin Vatikanda keçirilən dəfn mərasimində etdiyi iki hərəkətlə gündəmə gəlib.

Tramp həyat yoldaşı Melania Tramp ilə birlikdə mərasimə qatılıb. Bütün dünya liderləri ənənəyə uyğun olaraq qara geyim seçdiyi halda, Tramp mavi kostyum geyinib və bu seçimi sosial şəbəkələrdə "ilk səhv" kimi qarşılanıb.

Tədbir zamanı iştirakçılar dörd hissəyə bölünüb: irəlidəki qonaqlar, kardinalar, din xadimləri və sadə camaat. Tramp irəlidəki qonaqların önündə tək dayanıb, ancaq əsas narazılıq başqa hərəkətindən qaynaqlanıb.

Digər liderlər xalçanın kənarında dayanıb, Tramp və xannımı isə xalçanı tapdalayıb və bu davranış "hörmətsizlik" kimi dəyərləndirilib. Sosial şəbəkə istifadəçiləri Trampı tənqid edərək onun təkəbbürlü hərəkət etdiyini bildiriblər.

Trampın mavi kostyum geyməsi də geniş tənqid olunub. Bir çox istifadəçi belə mərasimdə mavi geyinməyin böyük hörmətsizlik olduğunu və Trampın mərasim zamanı başını belə əymədiyini yazıb. Trampın dəfn mərasimindəki davranışları həm protokola, həm də ənənələrə zidd hesab olunub və dünya miqyasında sərt reaksiyalara səbəb olub.

İsmayıl
Milli.Az