Dünya

Tarixi şəhər təhlükədə - Bu tarixdə sular altında qalacaq

26 Aprel 2025 13:48

Baxış: 2 359

VTB-də minimal faiz dərəcəsi ilə nağd kredit 9.9%-dən

#DÜNYADA #ROMA

ABŞ-ın tarixi və mədəniyyət beşiklərindən olan Yeni Orlean sürətlə batır. Alimlərin son araşdırmalarına görə, şəhər hər il 5 santimetr çökməklə 2050-ci ilə qədər böyük ölçüdə suyun altında qala bilər.

Milli.Az xəbər verir ki, Tulane Universitetinin tədqiqatçıları bildirir ki, Yeni Orleanın çox hissəsi yumşaq torf və gil torpaqlar üzərində qurulub. Zamanla bu torpaqlar havaya məruz qalır, ağır binaların təsiri altında sıxılır və batma prosesi sürətlənir.

Mütəxəssislər şəhərin daşqın və dəniz səviyyəsinin qalxması riskinə qarşı ABŞ-da ən həssas bölgələrdən biri olduğunu vurğulayır. 2005-ci ildə Katrina qasırğasından ağır zərər görən şəhər daşqınlardan qorunmaq üçün tədbirlər görsə də, bu, torpağın yeni çöküntülərlə bərpasının qarşısını alaraq vəziyyəti daha da ağırlaşdırıb.

NASA və Luiziana Dövlət Universitetinin araşdırmasına əsasən, batmanın ən sürətli olduğu ərazilər sənaye bölgələridir. İqlim dəyişikliyi də vəziyyəti daha da çətinləşdirir: artan yağıntılar və temperatur Missisipi çayı boyunca daşqın riskini artırır və on minlərlə insanı təhlükə altına salır.

Problem yalnız Yeni Orleanla məhdudlaşmır. Virginia Tech Universitetinin tədqiqatı göstərir ki, Mayami və Galveston da daxil olmaqla, 24-dən çox sahil şəhəri yaxın 30 ildə böyük iqtisadi və sosial itkilərlə üzləşə bilər.

Ən böyük risk isə sosial cəhətdən həssas icmalar üçün nəzərdə tutulur: məhdud resurslara malik olan əhalilər iqlim böhranının təsirlərinə qarşı daha zəif vəziyyətdədirlər.

Mütəxəssislər xəbərdarlıq edir: görüləcək tədbirlər gecikərsə, tarixi Yeni Orleanı xilas etmək çətin olacaq.

Fidan
Milli.Az