Dünya

Okeanlar artıq mavi rəngdə olmayacaq - Bənövşəyi və ya qırmızı...

18 Aprel 2025 08:35

Baxış: 1 995

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #ARAŞDIRMA

Yer kürəsinin səthinin dörddə üçünü əhatə edən okeanlar zamanla rəngini dəyişə bilər.

Milli.Az xəbər verir ki, "Nature" jurnalında dərc olunan son araşdırmaya əsasən, okeanlara rəng verən komponentlərdə baş verən dəyişikliklər nəticəsində onların gələcəkdə bənövşəyi rəngə çevrilməsi ehtimalı var.

Tədqiqatçılar bildirirlər ki, Yerə kosmosdan baxdıqda "solğun mavi nöqtə" kimi görünməsinə baxmayaraq, qədim dövrlərdə - təxminən 3,8-1,8 milyard il əvvəl - okeanların rəngi yaşılımtıl olub. Bu dövrdə atmosferdə sərbəst oksigen olmayıb, planetdə yalnız birhüceyrəli orqanizmlər mövcud olub.

Okeanlara yağıntılarla axan dəmir və vulkanik fəaliyyət nəticəsində əmələ gələn dəmir birləşmələri suyun kimyasına təsir edərək, rəngin formalaşmasında əsas rol oynayıb. Anaerob (oksigensiz) fotosintez prosesi nəticəsində suya ayrılan oksigen bu dəmir birləşmələri ilə reaksiya verərək okean sularını yaşıla çevirib.

Alimlərin qənaətinə görə, okeanların rəngi zamanla bənövşəyi, qırmızı və ya qəhvəyi rəngə keçə bilər.

Bənövşəyi rəngin yaranması, oksigenin az, kükürdün yüksək olduğu mühitlərdə inkişaf edən bənövşəyi kükürd bakteriyaları ilə əlaqələndirilir.

Qırmızı rəng isə dəmirlə zəngin axınlar və ya bəzi yosunların yaratdığı "qırmızı gelgit" hadisələri nəticəsində əmələ gələ bilər.

Mütəxəssislər bildirirlər ki, gələcəkdə Günəşin yaydığı ultrabənövşəyi şüaların artması bu dəyişikliklərə təkan verə bilər.

Fidan
Milli.Az