Dünya

Rusiyada yaşayan miqrant uşaqlarının məktəbə qəbulu üçün yeni hədd

2 Aprel 2025 15:58

Baxış: 492

VTB-də minimal faiz dərəcəsi ilə nağd kredit 10.49%-dən

#RUSİYA

"Miqrantların uşaqları Rusiya məktəblərinə qəbul olmaq istəyirlərsə, rus dili imtahanında sualların 90%-nə düzgün cavab verməli olacaqlar".

Milli.Az oxu.az-a istinadən xəbər verir ki, bu barədə Dövlət Dumasının sədri Vyaçeslav Volodin özünün "Telegram" kanalında xəbər verib.

Onun sözlərinə görə, ilkin olaraq imtahanın uğurla verilməsi üçün "Rosobrnadzor" 30% düzgün cavab həddi təklif etsə də, Dövlət Duması bununla razılaşmayıb.

"İndi rus dilini kifayət qədər bilmədiyi təqdirdə miqrant uşaqlarının məktəblərə qəbul edilməsi qadağan olunur. "Rosobrnadzor"un ilkin təklifi ilə biz razılaşmadıq. O, yenidən işlənib. Bugünkü qərar məktəbə qəbul üçün düzgün cavabların 90% olmasını nəzərdə tutur", - deyə Volodin bildirib.

O, həmçinin qeyd edib ki, miqrant uşaqları Rusiya ərazisində qanuni olub-olmadıqları yoxlanılmadığı təqdirdə də məktəbə qəbul ola bilməyəcəklər.

Xatırladaq ki, Rusiyada aprelin 1-dən rus dilini bilməyən miqrant uşaqlarının məktəblərə qəbulunu məhdudlaşdıran qanun qüvvəyə minib

Milli.Az