Dünya

"Tramp Ukraynadakı müharibəni birdəfəlik bitirməkdə qətiyyətlidir"

19 Mart 2025 23:10
Baxış: 891
VTB-də minimal faiz dərəcəsi ilə nağd kredit 9.9%-dən
#DONALD TRAMP #RUSİYA-UKRAYNA MÜHARİBƏSİ

ABŞ Prezidenti Donald Tramp və Ukrayna Prezidenti Volodimir Zelenski arasında telefon danışığı yaxşı keçib. Zelenski ABŞ-ın dəstəyinə görə Trampa təşəkkür edib.

Milli.Az xəbər verir ki, bunu Ağ Evin mətbuat katibi Kerolayn Livitt jurnalistlərə açıqlamasında deyib.

Ağ Ev sözçüsü bildirib ki, Tramp Ukraynadakı müharibəni əbədi olaraq bitirməkdə qərarlıdır: "Biz heç vaxt sülhə bu qədər yaxın olmamışıq. Prezident Tramp sayəsində buradayıq. Bir neçə il əvvəl bu müharibədə qismən atəşkəsə nail olmaq mümkün deyildi".

Ağ Ev sözçüsünün sözlərinə görə, telefon danışığı zamanı Zelenski Trampdan mülki insanları qorumaq üçün əlavə Hava Hücumundan Müdafiə sistemləri, xüsusilə "Patriot" raket sistemləri istəyib: "Prezident Tramp da xüsusilə Avropada mövcud olan raketlər üzərində birgə işləməyə razılıq verib".

Kerolayn Livitt qeyd edib ki, Ukrayna və ABŞ müharibəyə reallıqda son qoymaq üçün birgə işləməyə davam edəcəklər.

Bundan əlavə Tramp Zelenskiyə Putinlə telefon söhbəti və müzakirə olunan əsas məsələlər barədə tam məlumat verib.

Liderlər Kurskdakı vəziyyəti nəzərdən keçiriblər və döyüş meydanında vəziyyətin inkişafı ilə bağlı müdafiə qərargahları arasında yaxından məlumat mübadiləsi aparmağa razılaşıblar. /APA

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.