Dünya

Məhəmməd peyğəmbərin əfsanəvi "Zülfiqar" qılıncı TAPILDI

7 Fevral 2025 19:28

Baxış: 744

#DÜNYADA #MARAQLI #DİN

İsveçrədən olan kolleksiyaçı Məhəmməd peyğəmbərin əfsanəvi "Zülfiqar" qılıncını tapdığını bildirib.

Milli.Az xəbər verir ki, yerli mediada yayılan məlumatlara əsasən, o, artefaktı 2006-cı ildə Bəhreyndəki bir satıcıdan alıb, lakin bıçağın üzərindəki xüsusi yazılara görə onun mənşəyi ilə yalnız 2024-cü ilin aprelində maraqlanıb. Kolleksiyaçı qılıncı ekspertiza üçün Birləşmiş Ərəb Əmirliklərindəki muzey kuratorlarına təqdim edib və onlar onun əsl "Zülfiqar" qılıncı ola biləcəyini göstərən bir neçə aspekti müəyyən ediblər.

Materialda deyilir ki, qılınc hazırda dünyada tanınan eyni adlı digər dörd qılınc kimi Dəməşq poladından deyil, xüsusi ərintidən tökülən Hindistan vutz poladından hazırlanıb. İsveçrə şirkəti tərəfindən aparılan ekspertiza, "Zülfiqar" adlı digər qılınclardan fərqli olaraq, qılıncın 6-7-ci əsrlərə aid olduğunu təsdiqləyib. Ucunda 180 çentik aşkar edilib ki, bu da onun döyüşlərdə istifadə edildiyini göstərir.

Adı açıqlanmayan kolleksiyaçı həmçinin hesab edir ki, qılıncın həqiqiliyinə daha bir mühüm sübut onun üzərindəki yazıların ümumi sayının ərəb sözlərinin cəmi 40%-ni, türk və fars dillərindən olan sözlərin isə 30%-ni təşkil etməsidir. Bu dil formaları Məhəmməd peyğəmbərin yaşadığı coğrafi bölgədə geniş yayılmışdı. /Lent.az

Milli.Az